Түркістан облысы білім басқармасының «№3 арнайы мектеп-интернаты»  коммуналдық мемлекеттік мекемесінің  тынысы

Есту жүйесінің кемістігі бар балаларды, дені сау құрбыларына ілестіріп, осынау өскелең ұрпақты білім нәрімен сусындатып отырған «Құлағы нашар еститін балалар үшін Леңгір қосалқы мектеп-интернаты» 1972 жылдың күзінде Тоғыс ауылынан арнайы мектеп- интернат болып ашылды. 1995 жылы Леңгір қаласындағы 1985 жылдың қыркүйек айында пайдалануға берілген балабақша ғимаратына көшіп келіп, қазіргі таңда мектеп- интернат жұмысын жалғастыруда.

«Құлағы нашар еститін балалар үшін Ленгір қосалқы мектеп-интернаты» коммуналдық мемлекеттік мекемесі Түркістан облысының адами әлеуетті дамыту басқармасына қарасты мекеме.

Мектеп – интернат кең де жарық сынып бөлмелерімен және есту жүйесін дамытатын дыбыс күшейткіш аппараттармен қамтылған. Қазіргі таңда 20 сынып комплектісі бар. 2015ж.балаларға арналған 150 орындық заманауи үлгіде салынған жатақхана қолданылуға берілді.Аталған метеп-интернатты Зубира Кеңесқызы Айтуғанова басқарып отыр.